Monitor me dy koka nga Samsung

Gjiganti jugkorean i energjisë shpenzuese për shfrytëzuesit e
kompjuterëve që kërkojnë më shumë ua ka dedikuar monitorin e tij më të
ri 22-inçësh, me shtojcë të një ekrani tjetër më të vogël, 7-inçësh.
Samsung ia ka shfaqur publikut monitorin e tij SyncMaster 2263DX në
panairin e sivjetmë të elektronikës shpenzuese CES, mirëpo tani
shfrytëzuesve ua ka mundësuar edhe ta blejnë. Fuqia më e madhe e këtij
gjiganti 22-inçësh është monitori i tij shtesë, i cili do të jetë shumë
i dobishëm për shfrytëzuesit që kanë kërkesa më të mëdha.

Ekrani primar ka rezolucion prej 1680 x 1050 pikselash me 300 cd/m² si
dhe kontrast 1000:1, derisa monitori 7-inçësh shfaq rezolucion 800 x
480 me 200 cd/m² si dhe kontrast 400:1. Ekrani i vockël mund të lëvizet
nga secilado anë e ‘vëllait tij të madh’, e shfrytëzuesit të cilët kanë
dëshirë atë mund ta përdorin edhe si monitor të veçantë.

Për të blerë një SyncMaster 2263DX nevojiten 550 dollarë