Pol Skols ia siguroi "djajve të kuq "vizën" për Moskë

Mançester Junajtedi ka shënuar fitore në ndeshjen Derbi në “Old Trafford” ndaj Barcelonës, me rezultat 1:0, duke siguruar ‘vizën' për finalen e Ligës së Kampionëve, që zhvillohet më 21 maj në stadiumin “Luzhinki” në Moskë.
Golin e festës së madhe të “djajve të kuq” e realizoi veterani, Pol Skols, në minutën e 14-të. Në fakt, futbollisti 33-vjeçar e shfrytëzoi topin e dëbuar gabimisht nga Çavi dhe me gjuajtje të fortë nga distanca e tundi rrjetën e portës së Viktor Valdezit. Në këtë mënyrë, Skols i dha mundësinë Mançester Junajtedit që të luftojë për trofeun e tretë më të rëndësishëm në futbollin evropian. Deri më tash skuadra e Aleks Fergusonit e ka fituar këtë trofe në vitin 1968 dhe në vitin 1999. Megjithatë, kjo do të jetë hera e parë në historinë e Ligës së Kampionëve që në finale do të ballafaqohen dy skuadra angleze, pasi kundërshtari i “djajve të kuq” do të përcaktohet nesër në sfidën tjetër gjysmëfinale, Çelzi-Liverpul (1:1). Edhe emocionet e ndeshjes së nesërme do të mund t'i përjetoni vetëm në RTK.